個圖係 Redoute's Choice 既3代血統表，優生學有講過下一代會結果上一代優良傳統，所以下一代係會比上一代更進步，達爾文都有進步論之類既學說．大家可以一齊睇睇佢既父系，父系Danehill係好好既種馬，佢既隻女都擅短途，我地再往上移去Danehill既上一代係Danzig，Danzig係一匹烏卒卒既前領快放型短途馬不過就有脾氣好難發揮，咁係因為Danzig既上一代係Northen Dancer係好有脾氣既馬，而Danehill優生於Danzig擁有左Danzig既高速度但脾氣就改善好多，咁樣睇整條爸爸血緣就係好好既短途種啦．好啦，咁依家又可以移去媽媽個邊，下線個邊，多數人睇血統會唔熟媽媽，所以都係睇媽媽個邊既爸爸係邊個就OK．一睇之下第一個係Canny Lad，嘩！Canny Lad 係好早熟既短途馬，再數上去又見到Bletchingly，又係一隻好有速度既短途馬，再數上去又見一隻早熟短途馬Biscay，嘩！！！！真係成個血統，爸爸媽媽全部都係早熟短途馬！好似一家人阿爺係醫生，阿爸係醫生，阿婆係醫生，阿媽又係醫生，咁個仔個女又係醫生，呢家人梗係做醫生好啦，咁Redoute's Choice既仔女做競賽馬就真係叻D架．
沒有留言:
張貼留言